Coleccion di sushi residencial y comercial ta sigui normal.
Bo kier separa bo sushi?
Busca ki clase di sushi bo por separa y unda por depositanan.
Klik un seccion pa haya sa unda pa deposita bo sushi
Por wordo reuza of incenera
Por wordo recicla
Por wordo reuza
Por wordo recicla
Por wordo recicla of poni den bales
Por wordo reuza of recicla
Por wordo recicla
Por wordo recicla
Por wordo recicla
Por wordo recicla
Separa bo desperdicio pa bo spaar na costo di procesa.
Dia 31 di december oficialmente lo ta e ultimo dia cu Dump di Parkietenbos lo ta habri pa publico. Kico lo cambia p'abo y bo desperdicio?
Pa e gran mayoria di nos, no lo nota niun cambio. Dicon? Pasobra e compania cu ta busca bo sushi, ta keda mescos, y lo keda busca bo sushi mesun dia mesun ora. E meta ta pa eventualmente logra cu tur hende ta separa sushi na cas of negoshi.
Pa e sobra di personanan cu ta hardinero, contratista, of ta hiba nan mesun sushi di cas pa Dump, lo tin diferente localidad nobo pa procesa, abase di e tipo di desperdicio.
Riba e siguiente blueprint por mira confirmacion di diferente compania y cua tipo di desperdicio nan ta acepta:
E ta importante pa compronde, cu mientras e infrastructura pa un economia circular, pa reciclahe etc. ainda no ta na su luga debido, ya caba nos tin suficiente solucion basico pa por cera Dump di Parkietenbos, pa asina cuminsa e proceso di tapa esaki pa converti'e den un Parke Solar.
Lo tin mas opcion den futuro cercano pa caminda pa hiba plastic, glas, y otro tipo di desperdicio, cu e meta cu e companianan aki lo recicla mas tanto posibel.
E Herarkia di Procesa Desperdicio lo sirbi como un di e principionan pa maneha e sector di desperdicio, e sector comercial, e comunidad en general y Gobierno di Aruba. Trahando y colaborando hunto cu otro pa nos por yega na e metodonan di procesamento mas prefera.
